USAID, ФАО ва Ветеринария қўмитаси Ўзбекистонда трансчегаравий ҳайвонлар касалликлари, жумладан, зоонотик касалликларга қарши кураш бўйича янги лойиҳа бошлади. Бунда «Ягона саломатлик» ёндашуви COVID-19 пандемияси каби эҳтимолий инқирозларга тайёргарликни оширади.
Президент онкологик беморларга дорилар вақтида етиб бормаслигига сабаб бўлаётган «ўйинлар»ни танқид қилди. «Эндокринология, кардиология, шошилинч хизматда ҳам бундай фактлар етарли», — деди у. Давлат раҳбари, шунингдек, дориларнинг яширин айланмасига етарли чора кўрилмаётгани ҳақида ҳам гапирди.
ССВ Хитойнинг Henan Costar Group компанияси билан тез тиббий ёрдам электромобиллари харид қилиш ва уларни модификациялаш заводини қуриш бўйича 150 млн долларлик шартнома имзолади. China CAMC Engineering поликлиникалар қуриши мумкин, Snibe Diagnostic эса диагностика ускуналари билан таъминлайди.
ЮНИСEФнинг Ўзбекистондаги ваколатхонаси собиқ раҳбари Мунир Мамедзаде «Газета.uz»га берган интервьюсида ижтимоий сектор эҳтимолий фавқулодда чақириқларга ҳозирча тайёр эмаслиги ва нима учун мамлакатга соғлиқни сақлашнинг барча масалаларини қамраб олувчи ягона ахборот тизими кераклигини тушунтирди.
Тошкентга ташриф буюрган USAID администратори Саманта Пауэр Ўзбекистон халқини қўллаб-қувватлаш учун 14 млн доллардан ортиқ маблағ ажратилишини маълум қилди. Хусусан, маблағлар сил касаллиги, эпидемия ва пандемия таҳдидига қарши кураш, шунингдек, хусусий секторни мустаҳкамлашга йўналтирилади.
Тошкент шаҳрида давлат тиббий суғуртаси механизмларини босқичма-босқич жорий этиш муддати 2024 йил бошига кўчирилди. Илгари буни шу йилнинг июль ойида бошлаш режалаштирилганди.
Ўзбекистон АҚШ Глобал соғлиқни сақлаш хавфсизлиги дастурининг 50 та ҳамкор давлатидан бирига айланади. Бу ҳақда Тошкентда келишувга эришди. Соғлиқни сақлаш вазирлиги ва USAID ҳам хавфсиз ва сифатли дори воситаларидан фойдаланиш имкониятини кенгайтириш бўйича янги меморандум имзолади.
Ўзбекистон ва Германия тараққиёт банки KfW ўртасида соғлиқни сақлаш тизимини рақамлаштиришга йўналтирилган 45 миллион евролик кредит шартномаси ва 5,5 миллион евролик грант шартномаси имзоланди.
Жаҳон банки Ўзбекистон ҳукумати сўровига кўра, ижтимоий соҳадаги давлат харажатлари шарҳини тайёрлади. Банк узоқ муддатда шифохоналар инфратузилмасини яхшилаш, таълимни иқтисодиёт эҳтиёжларига мослаштириш, ижтимоий ҳимоя органини яратиш ва пенсия ёшини оширишни тавсия қилди.
Ўзбекистон️ ва Германия ўртасида соғлиқни сақлаш тизимини рақамлаштириш бўйича келишув имзоланди. Унга мувофиқ, ️Германия тараққиёт банки соҳа ривожи учун Ўзбекистонга қарийб 62 млн евро инвестиция киритади.
Ўзбекистонда тиббиёт ходимлари ишига тўсқинлик қилиш, уларга ноқонуний топшириқлар бериш учун жавобгарлик белгилаш таклиф этилмоқда. Унга кўра, мазкур ҳуқуқбузарликни содир этган жисмоний шахс БҲМнинг 5 баравари, мансабдор эса 7 баравари миқдорида жаримага тортилади ёки 10 суткага қамоққа олинади.
Сенат раиси Танзила Нарбаева коррупциявий жиноятларнинг ҳар учтадан биттаси соғлиқни сақлаш, таълим ва банк тизими ходимлари томонидан содир этилганини маълум қилди. Шунингдек, тўғридан-тўғри порахўрлик эмас, балки фирибгарлик йўли билан ўзгалар мулкини ўзлаштириш ёки растрата йўли билан талон-торож қилиш ҳолатлари кўпайгани айтилди.
Эпидемиологик вазият ёмонлашганлиги сабабли COVID-19 га қарши кураш тадбирлари учун ажратиладиган маблағлар миқдори қайта кўриб чиқилди ва кўзда тутилган 3 трлн сўмдан 4,3 трлн сўмга етказилди. Қўшимча маблағлар республика бюджетидан ажратиб келинмоқда.
Қашқадарё вилояти Чироқчи тумани юқумли касалликлар шифохонаси ходими беморни рўйхатга олиш учун 5000 сўм сўрагани учун ишдан бўшатилди.
Президент соғлиқни сақлаш тизимида патронаж хизматини йўлга қўйишга оид видеоселектор ўтказмоқда. Давлат раҳбари раҳбарларни ушбу жараённи назорат қилиши учун вилоятларга масъул этиб белгилади. 1 майга қадар Сирдарё вилояти тажрибаси республиканинг барча ҳудудларида бошланиши кераклиги айтилди.
Соғлиқни сақлаш вазирлиги Соғлиқни сақлаш кодексининг лойиҳасини тайёрлади. Ушбу соҳадаги амалдаги қонунлар ва бошқа норматив ҳужжатларнинг нормалари бирлаштирилиши кутилмоқда.
Президент фармони билан 2021 йил 1 январдан бошлаб қишлоқ врачлик пункти — оилавий шифокор пункти деб, қишлоқ ва шаҳар оилавий поликлиникаси — оилавий поликлиника деб қайта номланади. ОТМни охирги 3 йилда тамомлаб, қишлоқ жойга ишлашга борганларга 30 млн сўм пул мукофоти берилади. Улар уй-жой билан ҳам таъминланади.
Сирдарё вилоятида соғлиқни сақлаш тизимининг янги модели ва давлат тиббий суғуртаси механизмлари бўйича тажриба-синов лойиҳаси ўтказилади. Оилавий шифокор, терапия ва педиатрия бўйича ёрдамчилар, ҳамшира ва доядан иборат гуруҳлар тузилади. Бепул тиббий хизматлар ва дори воситалари пакети ишлаб чиқилади. Давлат тиббий суғуртаси жамғармаси ташкил этилмоқда.
Президент қарорига асосан 2021 йил 1 январдан бошлаб 40 ва ундан юқори ёшдаги фуқароларда гипертония, инфаркт, инсульт, қандли диабет ва бошқа хавф омилларини аниқлаш бўйича тизимли равишда скрининг текширувлари ўтказилади.
Президент қарори билан Сирдарё вилоятидаги кўп тармоқли поликлиникаларда тажриба тариқасида «Тўғри овқатланиш ва соғлом турмуш тарзи» хоналари ташкил этилади. Ўрганишлар натижасида бу амалиёт бутун республикада ҳаётга тадбиқ этилади.
Қўшимча имкониятларга эга булиш учун сайтда рўйхатдан ўтинг